Hjányru-møði

Følir tú at tað er tungt at koma ígjøgnum dagin, og at
tú ert meira troyttur enn vanligt?

Roynir tú at halda teg koyrandi, við koffeini frá kaffi,
te, cola ella orkudrykki?

Mungar tú nógv eftir vørum, sum innihalda nógv sukur og
salt?

Hevur tú verri hug til kynslívið, og følir tú at tínar hormonir
eru í botn?

Følir tú at tú ert hugtungur, og ivast tú í, um tú hevur eina lættari depressión?

Ert tú vorðin meira ótolin í mun til onnur,  enn tú var fyrr?

Hevur tú pínu í lendunum, uttan at vita hví?

Verður tú lættari strongdur nú, enn tú bleiv fyrr?

Hevur tú verið oftari sjúkur seinastu tíðina – ella hevur tað tikið longri tíð at blíva frískur?

Sortnar tað fyri tínum eygum, tá tú reisur teg knappliga upp?

Følir tú teg illa fyri, um tú leypur eina máltíð um, ella um tú etur nakað, sum tú ikki er gott fyri teg?

Merkir tú, at tú ert blivin meira og meira óklárur í høvdinum, og hevur torført at taka avgerðir?

Eru tað løtur har tú minnist verri, og missir tráðin tá tú tosar?

Ert tú troyttur út á seinnapartin, og hevur hug at leggja teg? Men fær orku aftur tá tú hevur eti
nátturða?

Nikkar tú til fleiri av hesum spurningum?

Hjánýru-møði merkir at hjánýruni, ikki framleiða nokk av hormonum – her serliga strongd-hormoni
kortisol.

Hjánýruni sita oman fyri nýruni, beint innan fyri lendarnar. Hjánýruni framleiðahormonir, s.s.
kortisol, adrenalin, noradrenalin, pregnenolon, aldosteron, progesteron, østrogen, testosteron
og DHEA.

Hjánýruni eru ein partur av einum størri kirtla-systemi, sum er við til at halda skil á okkara veskujavnvága, blóðsukurið, kynshormonum, dyst-flýggja  reaktiónum, immunverju og annað. 

Hjánýru-møði er ein støða, har hjánýruni eru útbrend, og ikki megna at framleiða tað mongd av hormonum, sum tey skulu. Tað førir við sær, eina rúgvu av hjáárinum, sum tilsamans verður kalla eitt syndrom. Eitt tað mest vanliga hjáárini, er at vera útlúgvaður og troyttur, har ein hevur eina kenslu av, at hvør dagur er ein byrða.